Carlos Alba

   Correo electrónico

   Teléfono

   Conta en

   Vive en

   Ficha noutros idiomas

inglés

Gallegu

Castellán

   Web

   Descrición

Les mios primeres alcordances del cuentu asítiense nel ámbitu de lo cotidián, nes xuntes y
trabayos familiares nos que entá sentíes l´atmósfera orixinaria de la tradición oral, venceyaes
mayormente a les xeres de casería. Por eso tengo bien afitáu que, como diz Rodríguez
Almodóvar, el cuentu s´empobina a la comunidá, inda que por cuenta de les necesidaes de la
vida moderna acabemos segmentando al públicu.
Estudié Periodismu pa cuntar noticies, pero acabé na narración oral cuntando histories.
Redescrubrí la oralidá con Agustín García Calvo, el cuentu con Mercedes Carrión y la
interpretación en “Réplika. Academia del Actor”. Entamé a cuntar en Madrid en 1995 col grupu
Cháchara, y de magar 2002 fágolo en solitariu. Per esos tiempos fo tamién cuandu me dio por
recuperar y anovar el monólogu asturianu.
El secretu de la narración ye´l mesmu pa toles edaes, pamidea: empezar pola esperiencia
sensible pa igüar un imaxinariu enriba d´ella. Cuento pa los ñácaros y pa la mocedá, pa la
reciella y pa los vieyos. Tamién andecho cola educadora Vanessa Peña nos sos clubes infantiles
d´animación a la llectura.
Préstame asgaya percorrer la llende ente narración y teatru. Asina allegué al romanceru, a la
xuglaría (col Quixote), a narrar con personaxe (con Cellero el monologuista), a los títeres (con
“Xuan Soldáu”, premiu FETEN 2015 pola adautación del testu) y al teatru clásico (con “Lllázaro
de Tormes”).
Resumiendo… igual porque me presta la lliteratura, la palabra escénico, la música, la poesía,
los neños, la llectura… atopé un mediu d´espresión na narración oral.

Ah, y préstame por demás la llingüa asturiana, el llionés, astur-lleonés, bable… que anda too
pel mesmu dominiu llingüísticu y son diferentes palabres pa nomar la mesma fala. Préstame
tanto que fago por adautame a les sos variantes cuandu tiro pa´l occidente o pal oriente
(d´Asturies, entiéndese), y también cuandu cayo per Llion.

Currículu estensu: http://www.cellero.com/astur/curriculum/yo.htm

Publicaciones:

LIBROS (n´asturianu) : Del chigre, Carlos Alba (Cellero), Trabe, Uviéu, 2006. ENLACE DE LA PÁGINA DE LA EDITORIAL: http://www.trabe.org/llibru.asp?id=1148 Pa echar unes rises, Trabe, Uviéu, 2012. Colaboración en un volumen de varios autores. ENLACE PÁGINA DE LA EDITORIAL: http://www.trabe.org/llibru.asp?id=1934

ARTÍCULOS:

Sobre´l procesu d´adaptación de “Xuan Soldáu”, premiu FETEN 2015 a la meyor
adautación del testu (8 de marzu de 2015):
https://www.narracionoral.es/index.php/es/documentos/articulos-y-entrevistas/articulos-seleccionados/869-juan-soldado-de-carlos-alba-cellero-premio-feten-2015-a-la-mejor-adaptacion-del-texto

- “Tablas”, nel Diccionario de la Narración Oral (AEDA, ochobre 2014):
https://www.narracionoral.es/index.php/es/120-palabra/745-tablas

- “Qué términos utilizar para definir una propuesta de cuentos” (AEDA, marzu 2014):
https://www.narracionoral.es/index.php/es/documentos/articulos-y-entrevistas/articulos-seleccionados/498-que-terminos-utilizar-para-definir-una-propuesta-de-cuentos

OTROS ARTÍCULOS Y CARTAFUEYU DE PRENSA EN:

http://www.cellero.com/cast/articulos/articulos.html

   Facebook

   Canle de Youtube

   Youtube

   Número de visitas